同學甲：

林律師，我會用得到你的辦公室請教你幾个法律的問題無？

Lîm lu̍t-su, guá ē-īng-tit kàu lí ê pān-kong-sik tshíng-kàu lí kuí ê huat-lu̍t ê būn-tê--bô?

林律師，我可以到辦公室請教您幾個法律的問題？

林律師：

當然會使得啊！歡迎歡迎！

Tong-jiân ē-sái--tit--ah! Huan-gîng huan-gîng!

當然可以啊，歡迎歡迎！

同學甲：

毋知林律師啥物時陣有閒？

M̄ tsai Lîm lu̍t-su siánn-mih sî-tsūn ū-îng?

不知林律師什麼時候有空？

林律師：

唔…平常時我早起時較無閒，下晡較閒啦。

N̄g…Pîng-siông-sî guá tsái-khí-sî khah bô-îng, e-poo khah îng--lah.

嗯…平時我上午比較忙，下午比較有空。

同學甲：

你若是有方便，我按算今仔日下晡四點去你遐，好無？

Lí nā-sī ū hong-piān, guá àn-sǹg kin-á-ji̍t e-poo sì tiám khì lí hia, hó--bô?

如果您方便的話，我打算今天下午四點鐘去您那兒，好嗎？

林律師：

遮爾拄好，我下晡拄好有一个約會呢。

Tsiah-nī tú-hó, guá e-poo tú-hó ū tsi̍t ê iok-huē--neh?

真湊巧，我下午剛好有個約會。

同學甲：

啊！遮爾袂拄好喔！按呢你啥物時陣較適合，由你來決定好矣。

Ha̋nn! Tsiah-nī bē tú-hó--ooh! Án- ne lí siánn-mih sî-tsūn khah sik-ha̍p, iû lí lâi kuat-tīng hó--ah.

啊！真不巧，那您什麼時候比較適合，由您決定好了。

林律師：

如果若無啥物緊急的事志，無咱後日下晡好無？

Jû-kó nā bô siánn-mih kín-kip ê tāi-tsì, bô lán āu--ji̍t e-poo hó--bô?

如果沒什麼緊急的事，那我們約後天下午好嗎？

同學甲：

好啊！後日下晡幾點呢？

Hó a! Āu--ji̍t e-poo kuí tiám--neh?

好啊！後天下午幾點呢？

林律師：

三點半，敢會使得？

Sann tiám puànn, kám ē-sái--tit?

三點半，可以嗎？

同學甲：

會使得。好！多謝你！再見。

Ē-sái--tit. Hó! To-siā--lí! Tsài-kiàn.

可以。好的！謝謝您！再見。